Dans un enregistrement non daté, comptant parmi les ressources éducatives de la commission scolaire du Nunavik (Kativik Ilisarniliriniq), Taamusi Qumaq a raconté l’histoire d’Aukkautik telle que Juanasi Qinnuajuaq (1895-1964) la lui avait transmise. Ce document de quinze minutes et quelques secondes, d’une grande valeur, est ici transcrit et traduit pour la première fois, à partir d’une analyse linguistique approfondie. Le texte qui a paru dans la revue Tumivut en 1998 (numéro 10, pages 36-42) n’est pas la transcription des mots de Taamusi Qumaq. Il s’agit d’une réécriture complète, accompagnée d’une traduction en anglais, elle-même traduite en français. Dans la note introductive, la rédaction de la revue écrivait : « Unlike most oral histories recorded in Tumivut, this article is not a “faithful translation ;” rather, it has been revised to provide clarity, consistency and brevity ». Il nous semble cependant que les propos de Taamusi Qumaq ne manquent ni de clarté ni de cohérence, et qu’ils méritent d’être connus dans leur intégralité. Les évènements décrits ont eu lieu vers la fin du XIXe siècle. En 2015, Lisa Koperqualuk a publié de passionnantes recherches sur Aukkautik dans son ouvrage sur les traditions juridiques au Nunavik. La compagnie Aaqsiiq a récemment présenté une adaptation théâtrale de l’histoire. Je remercie Kativik Ilisarniliriniq d’avoir contribué à mettre en valeur la parole de Taamusi Qumaq. Tukirqi Pilurtuut m’a aidé à transcrire précisément l’enregistrement. John-Samuel MacKay a amélioré ma traduction anglaise en tenant compte de l’inuktitut. Je les remercie vivement tous les deux. ᐊᐅᒃᑲᐅᑎᒃᑯᓗ ᑯᒣᓐᓇᑯᓪᓗ ᓄᓇᖃᑎᒌᕕᓃᑦ ᐅᑭᐅᒥ, ᑕᒫᓂ ᐃᕗᔨᕕᐅᑉ ᒥᑦᓯᑎᓐᓂ, ᕿᑭᕐᑕᒥ ᐊᕿᒡᒋᑑᒥᒃ ᐊᑎᓕᖕᒥ, ᖃᓄᐃᑦᔭᒐᑎᒃ, ᑕᒪᕐᒥᒃ ᐃᓅᖃᑎᒌᑦᓯᐊᓱᑎᒃ, ᑲᑐᑦᔨᖃᑎᒌᑦᓯᐊᓱᑎᒃ ᐆᒪᔪᕐᓯᐅᓂᒃᑯᑦ. ᑌᒪ ᐃᓅᖃᑎᒌᑦᓯᐊᓚᐅᕋᓗᐊᕐᓱᑎᒃ, ᖃᓄᐃᓐᓇᑐᒧᑦ ᑎᑭᑕᐅᓕᕐᑐᕕᓃᒃ ᐊᐅᒃᑲᐅᑎᓪᓗ ᖁᐱᕐᕈᐊᓗᓪᓗ, ᑯᒣᓐᓇᐅᑉ ᐃᕐᓂᖓ, ᒪᐅᓕᕐᕕᒧᑦ ᐊᐅᓪᓚᑐᕕᓃᒃ ᐳᐃᔨᓯᐅᕐᓱᑎᒃ. ᑌᒪ, ᐳᐃᔨᖃᑦᓯᐊᖏᒻᒪᑦ, ᐃᒫᐱᒻᒦᑐᒥᒃ ᐱᑦᓯᐅᓛᒥᒃ ᐱᑦᓯᐅᓛᕐᓂᐊᓯᔪᕕᓃᒃ, ᐃᒫᐱᒻᒥ ᐊᑭᓕᕇᑦᓱᑎᒃ ᐊᑭᐊᓃᑦᑐᓗ ᑌᒣᓕᖓᑦᓱᑎᒃ ᖁᑭᕆᐊᖃᑦᑕᕋᒥᒃ. ᑌᒪ, ᐊᐅᒃᑲᐅᑎᒃ ᐱᑦᓯᐅᓛᒥᒃ ᖁᑭᕆᐊᕐᓱᓂ, ᐊᑭᐊᓃᑦᑐᒥᒃ ᐃᓄᖕᒥᒃ ᖁᐱᕐᕈᐊᓗᒻᒥᒃ ᖁᑮᑲᓪᓚᓕᕐᑐᕕᓂᖅ. ᐃᒻᒪᖄ ᓴᒃᑯ ᐃᒪᕐᒧᑦ ᑐᓚᐅᕐᓱᓂ, ᓄᓇᒧᑦ, ᐃᓛ ᐃᓄᖕᒧᑦ ᓇᒻᒪᓈᕐᕕᖃᕐᓂᒪᑦ, ᖁᑮᑐᐃᓐᓇᓕᕐᑐᕕᓂᖅ, ᑐᖁᑦᓱᒍ ᖁᐱᕐᕈᐊᓗᒃ, ᐊᑎᖓ, ᑯᒣᓐᓇᐅᑉ ᐃᕐᓂᖓ, ᐱᔮᕐᖁᑕᖕᖏᑐᒥᒃ. ᑌᒪ, ᐊᐅᒃᑲᐅᑦ ᐅᓐᓄᐊᑐᖄᓘᓕᕐᒪᑦ ᐊᓂᕐᕋᓕᕐᑐᕕᓂᖅ ᐃᓄᐊᕋᒥ ᐃᓕᕋᓱᓐᓂᑯᒥᓄᑦ ᑯᒣᓐᓇᒥᒃ, ᐃᓄᐊᕐᑐᐊᓘᒐᒥ. ᖃᐅᖕᒪᑦ ᑭᓯᐊᓂ ᐅᖃᐅᑦᔨᒋᐊᕐᑐᓕᕐᑐᕕᓂᐅᒍᓇᖅ ᑯᒣᓐᓇᒥᒃ, ᐁᑦᓯᓯᓂᕋᕐᓱᓂ ᑐᖁᖓᔪᒥᒃ. ᐊᓱᐃᓛ ᐁᑦᓯᓯᔪᕕᓂᖅ ᐊᐅᒃᑲᐅᑎᒃ ᐅᖃᐅᑎᑦᓱᒍᓗ ᑯᒣᓐᓇᖅ ᐃᒫᒃ: «ᐃᕐᓂᕋ ᐃᕐᓂᑖᕆᓂᐊᓕᕐᙯᑦ». ᐊᓱᐃᓛ ᐁᑦᓯᑎᓪᓗᒍ ᐊᐅᒃᑲᐅᑎᒃ ᑐᖁᖓᔪᒥᒃ ᖁᑭᕐᑕᕕᓂᕐᒥᓂᒃ, ᑯᒣᓐᓇᖅ ᐊᐅᒃᑲᐅᑎᐅᑉ ᐊᓂᕐᕋᖏᓐᓂᒃ ᑐᖁᕃᓕᕐᓂᖁᖅ, ᐃᓚᓕᒫᖏᓐᓂᒃ, ᐊᕐᓇᖓᓂᒃ, ᕿᑐᕐᖓᖏᓐᓂᒃ, ᓄᖑᑦᓱᒋᑦ. ᐊᐅᒃᑲᐅᑎᒃ ᑎᑭᓕᕋᒥ, ᐊᓂᕐᕋᖏᑦ ᓄᖑᑕᐅᒪᓕᕐᑐᑦ. ᐊᐅᒃᑲᐅᑎᒃ ᓂᖕᖓᐳᖅ ᐊᖏᔪᒥᒃ ᐃᕐᓯᓇᕐᓯᓱᓂᓗ. ᓂᖕᖓᑲᒥ, ᑕᑯᔭᓕᒫᒥᓂᒃ ᑐᖁᑦᓯᒍᒪᑐᐃᓐᓇᓕᕐᓱᓂ ᐱᐅᓯᖃᓕᕐᓂᖁᖅ. ᑌᒪ, ᑯᒣᓐᓇᖅ ᐊᐅᒃᑲᐅᑎᒥᒃ ᑲᑎᓯᓕᕐᑐᕕᓂᖅ, ᓱᓇᐅᕝᕙ ᐹᓯᔪᐊᓘᑦᓱᑎᒃ. ᐹᔪᐊᓘᓚᐅᕐᓱᑎᒃ ᐹᑉ ᐃᒡᓘᑉ ᐊᐳᑎᐅᑉ ᐹᖓᑕ ᓯᓚᑖᓂ, ᑯᒣᓐᓇᖅ ᐃᒡᓗᒧᑦ ᐃᑎᕆᐊᓕᕐᓂᒪᑦ, ᑯᒣᓐᓇᖅ ᑲᐱᔭᐅᕗᖅ ᐊᐅᒃᑲᐅᑎᒧᑦ, ᑐᖁᑦᓱᒍ, ᐃᑎᖓᒍᑦ, ᐃᑎᖓᒍᑦ ᑲᐱᔭᐅᒐᒥ ᓴᕕᖕᒧᑦ. ᐊᐅᒃᑲᐅᑎᒃ ᐊᑭᒪᔪᑦᑎᓭᕈᑉᐳᖅ. ᐊᐅᒃᑲᐅᑎᒃ ᐃᓄᑑᓕᕐᖁᖅ ᓄᓇᓕᖕᒥᓂ. ᐊᒡᓛᑦ ᐊᖕᒪᑐᕋᖃᓕᕐᖁᖅ, ᐃᒡᓗᒥᓂᒃ ᐊᐳᑎᒥᒃ ᑭᓓᓯᒪᓕᕐᖁᖅ, ᑭᓪᓚᒥᒃ ᐃᑦᓱᐊᕋᕐᕕᒥᓂᒃ ᙯᔪᖃᓕᕐᒪᖔᑦ, ᐊᒡᒋᑐᖃᓕᕐᒪᖔᑦ. ᐊᓂᓂᐅᔭᕈᓐᓀᑐᖅ. ᐊᓱᐃᓛ ᑎᑭᑕᐅᓕᕐᓂᖁᖅ ᐊᐅᓪᓛᓄᑦ ᕿᑐᕐᖓᕇᓄᑦ, ᐊᐅᓪᓚᓗᐊᓗᒃᑯᓄᑦ, ᒪᕐᕉᓂᒃ ᕿᑐᕐᖓᓕᖕᓄᑦ. ᐁᑉᐸᖓ ᐊᒪᖅ, ᐁᑉᐸᖓ ᐊᖏᔫᓕᕐᑐᖅ ᑐᕈᓯᖅ. ᓄᕐᖃᑲᒥᒃ ᑎᑭᑦᓱᑎᒃ ᐊᐅᒃᑲᐅᑎᒃᑯᑦ ᓄᓇᖓᓄᑦ. ᐊᓱᐃᓛ ᐊᐅᓪᓚᓗᐊᓘᑉ ᓄᓕᐊᖓ ᐃᑎᕆᐊᓕᕋᒥ, ᐊᐅᒑᓗᖕᓂᒃ ᐹᑉ ᐃᓗᐊᓂ ᑕᑯᓕᕋᒥ, ᓯᕆᔪᐊᓘᓕᕐᑐᖅ ᓂᕆᓚᖓᒋᐊᖅ ᐊᓕᐊᒧᑦ, ᓱᓇᐅᕝᕙ ᐃᓄᐃᑦ ᐊᐅᖏᑦ. ᐊᐅᓪᓚᓗᐊᓗᒃ ᑐᑭᓯᑦᓴᐅᑎᒋᔫᒐᓗᐊᕐᓕ ᐆᒪᔪᕕᓂᐅᑉ ᐊᐅᒋᖕᖏᑕᖓᓂᒃ, ᐊᕐᓇᒥᓂᓪᓗ ᐅᖃᐅᑦᔨᒍᓐᓇᓯᑦᔭᒐᓂ ᐃᑎᓕᕇᕐᒪᑦ. ᐅᓪᓚᕆᐊᑎᒎᕈᓇᐅᓕᕐᑎᓗᒍ ᑌᓐᓇ ᐊᕐᓇᖅ, ᓯᒃᑭᕙᓪᓛᓗᒃ ᓯᒃᑭᕙᓪᓛᓗᑦᓴᖁᖅ. ᓱᓇᐅᕝᕙ ᐊᕐᓇᖅ ᖁᑭᕐᑕᖅ ᐊᒫᑦᓴᕋᓗᐊ. ᐊᐅᓪᓚᓗᐊᓗᒃ ᖃᒧᑎᒥᓄᑦ ᐊᕐᐸᓯᔪᖅ, ᖁᑭᐅᑎᒥᓄᑦ, ᓇᕿᑕᕈᑏᑦ ᐊᒃᓱᓈᑦ ᑭᓪᓗᑐᐃᓐᓇᓱᒋᑦ, ᑎᒍᓯᒍᓐᓇᓯᔪᖅ ᖁᑭᐅᑎᒥᓂᒃ ᓴᒃᑯᒥᓂᓪᓗ. ᖁᑭᐊᔪᐊᓘᑦᓱᓂ ᖃᒧᑏᒃ ᐅᖓᑖᓃᒐᒥ, ᑕᓕᕐᒥᒍᑦ ᖁᑭᕐᑕᐅᒐᓗᐊᕐᓱᓂ, ᐊᑐᕈᓐᓀᓈᕐᒪᑦ, ᐅᖓᒻᒧᑦ ᕿᒪᒃᓯᑲᒥ, ᑐᖁᑕᐅᖕᖏᑐᖅ. ᕿᒫᓕᕋᒥ ᑐᑭᒧᐊᑐᐃᓐᓇᔭᒐᓂ ᐊᕐᐸᖏᕐᑐᕕᓂᖅ, ᑌᒃᑯᐊ ᖁᑭᐅᑎᕐᖄᕕᓃᑦ ᓴᒃᑯᖏᑦ ᓱᒃᑫᓂᕐᓴᐅᓂᕐᒪᑕ. «ᒪᑉᐱᑕᕐᑐᓕᐊᓗᐃᑦ», ᑌᒫᒃ ᐊᑎᖃᕐᑎᑌᑦ, ᖁᑭᐅᑎᐅᑦᓱᑎᒃ ᓯᕗᓪᓕᐹᕕᓃᑦ ᑎᑭᑦᓱᑎᒃ ᐃᓄᖕᓄᑦ. ᓯᒃᑭᕙᓪᓚᒪᑦ ᑐᐊᕕᕆᐊᖃᑦᑕᓱᓂ ᐊᒻᒪᓗ ᓯᒃᑭᕙᓪᓚᒪᑦ ᓄᕐᖃᑲᓪᓚᖃᑦᑕᕋᒥ, ᐊᑦᑐᑕᐅᑦᓵᓂᑦᔭᖏᑦᑐᖅ ᐅᖓᓯᓪᓕᕋᑕᕐᓱᓂ. ᐊᓱᐃᓛ ᐊᐅᓪᓚᓗᐊᓗᒃ ᕿᒫᒐᓱᐊᕋᒥ ᐅᔭᕋᐅᑉ ᐊᓂᓂᐅᑎᑕᖓᓄᑦ ᑎᑭᐅᑎᓕᕐᓂᖁᖅ, ᐅᔭᕋᖅ ᐊᓂᓂᖃᕐᒪᑦ ᑎᓂᓐᓂᒥ ᓯᑯᒥ. ᑌᒪ, ᑌᑲᓃᓕᕋᒥ ᐅᑕᕐᕿᑐᐃᓐᓇᓕᕐᑐᕕᓂᖅ ᐊᐅᒃᑲᐅᑎᒥᒃ, ᐅᓪᓚᑐᐊᓘᖕᒪᑦ, ᐊᓐᓀᔪᐊᓘᔪᕆᒐᒥ ᐊᐅᓪᓚᓗᐊᓗᒻᒥᒃ. ᑌᑲᓂ ᐅᑕᕐᕿᑐᐃᓐᓇᓕᕐᑐᕕᓂᖅ ᐊᐅᒃᑲᐅᑎᒥᒃ, ᐅᓪᓚᖏᓐᓈᑐᐊᕐᐸᑦ ᐊᐅᒃᑲᐅᑎᒃ ᖁᑭᕐᑕᐅᑐᐃᓐᓇᓚᖓᓕᕐᓱᓂ ᐊᐅᓪᓚᓗᐊᓗᒻᒧᑦ. ᐊᐅᒃᑲᐅᑎᒃ ᐃᓕᒪᓱᓕᕋᒥ, ᐃᕐᓯᓕᕐᑐᐊᓘᒐᒥ, ᐅᑎᓯᑐᐃᓐᓇᓕᕐᑐᕕᓂᖅ ᐃᒡᓗᒥᓄᑦ. ᐊᐅᓪᓚᓗᐊᓗᒃ ᐊᓐᓇᐳᖅ, ᐃᓅᓯᕗᖅ, ᓴᓇᑐᓂᑯᒥᓄᑦ ᖁᑭᕐᑕᐅᖏᓐᓇᒥ. ᐊᐅᓪᓚᓗᐊᓗᒃ ᐃᓄᑦᓯᐅᕆᐊᓯᔪᕕᓂᖅ ᖃᐅᔨᒪᒐᒥ ᓄᓇᒥᒃ ᐃᓄᒃᑕᓕᖕᒥᒃ. ᐃᔦᑦᑐᓂᒃ ᐊᑎᓕᒃ ᓄᓇ. ᐊᓱᐃᓛ ᐅᓪᓛᑯᑦ ᑎᑭᑉᐳᖅ ᐃᔦᑦᑐᒥᐅᓄᑦ. ᐊᐅᓪᓚᓗᐊᓗᒃ ᑐᓴᐅᑎᒋᔭᐅᕗᖅ ᐊᐅᒃᑲᐅᑎᐅᑉ ᐃᕐᓯᓇᕐᓂᖓᓂᒃ. ᐊᐅᓪᓚᓗᐊᓗᒃ ᐅᓂᒃᑳᐳᖅ ᐃᔦᑦᑐᒥᐅᓄᑦ ᖃᓄᖅ ᐱᐅᓯᖃᓚᐅᕐᒪᖔᕐᒥ ᐊᒻᒪᓗ ᓄᓕᐊᖓ ᐊᒫᕐᑐᖅ ᑐᖁᑕᐅᓚᐅᕐᓂᖓᓂᒃ ᐃᕐᓂᐊᐱᖓᑕᓗ ᐱᐅᓯᖓᓂᒃ. ᑐᕈᓯᐊᐱᒃ, ᑌᓐᓇ ᐊᐅᓪᓚᓗᐊᓘᑉ ᐃᕐᓂᐊᐱᖓ, ᐊᐅᒃᑲᐅᑎᐅᑉ ᖁᑭᕐᓂᖏᒻᒪᐅᒃ ᓱᒥᒋᑦᓱᒍ. ᐃᔦᑦᑐᒥᐅᑦ ᐊᐱᕐᓱᓯᕗᑦ ᐊᐅᓪᓚᓗᐊᓗᖕᒥᒃ ᖃᓄᐃᑦᑐᓂᒃ ᐊᓐᓄᕌᖃᕐᒪᖔᑦ ᐊᒻᒪᓗ ᑭᓇᐅᒻᒪᖔᑦ ᑌᓐᓇ ᑐᖁᕃᔪᖅ. ᐊᐅᓪᓚᓗᐊᓗᒃ ᑭᐅᕗᖅ ᑯᒣᓐᓇᐅᓂᕃᑦᓱᓂ ᑐᖁᕃᔪᒥᒃ. ᓱᓇᐅᕝᕙ ᐊᐅᒃᑲᐅᑎᒃ ᑯᒣᓐᓇᐅᑉ ᖁᓕᑦᑕᖓᓂᒃ ᑐᒃᑐᔭᒥᒃ ᐊᑐᓕᕐᓂᒪᑦ, ᑯᒣᓐᓇᐅᓂᕃᔪᕕᓂᖅ, ᑐᖁᖓᓕᕐᑑᑉ ᑐᖁᑕᕕᓂᕐᒥᑕ, ᐃᑎᕐᖁᓱᒍ ᐃᑎᕆᐊᕐᑐᑎᓪᓗᒍ ᐃᒡᓗᒥᓄᑦ. ᑌᒃᑯᐊ ᐃᓐᓂᕕᕕᓂᖏᑦ ᐃᔦᑦᑐᒥᐅᑦ ᐅᑯᐊᖑᔪᕕᓃᑦ: ᐊᑎᖏᑦ ᒪᓄᐊᓗᒃᑯᑦ, ᑐᕈᓯᓛᒃᑯᑦ, ᓱᕐᓂᑯᑦ, ᐊᓯᖏᓪᓗ. ᓄᓇᓖᑦ ᐊᒥᓱᐃᕕᓃᑦ. ᑌᒪ, ᐃᑦᑐᖓᑦ ᒪᓄᐊᓗᒃ ᐅᖃᕐᑐᕕᓂᖅ: «ᑯᒣᓐᓇᖅ ᑌᒣᓘᕐᓂᐅᔭᑦᔭᖏᓪᓚᖅ, ᐊᐅᑲᐅᖏᓐᓇ» ᓚᔪᕕᓂᖅ. ᑌᒪ, ᕿᒫᒍᒪᓕᕐᒪᑕ ᑕᒐᑕᒉᓐᓇᖅ, ᒪᓄᐊᓗᒃ ᐅᖃᓕᕐᓂᒥᔪᖅ: «ᕿᒫᑦᓴᖏᓚᐅᑲᑦᑕ, ᖃᐅᑉᐸᑦ ᕿᒪᒃᓯᐊᓗᓛᓕᕋᑦᑕ, ᑐᕈᓯᐊᐱᒃ …
